Бидний тухай
BOG брэнд нь байгаль эхийн олон мянган жилийн турш бүтээж өгсөн хонь, ямааны амьд эслэг болох ноос, ноолуурыг ашиглан Монголчуудын уламжлалт гар урлалыг орчин үеийн хүүхдийн хэрэглээтэй хослуулан бүтээдэг брэнд юм.
Бид хүүхдийн биед аюулгүй, цэвэр байгалийн гаралтай, байгальд ээлтэй бүтээгдэхүүн урлахыг зорьдог бөгөөд үйлдвэрлэлийн бүх үе шатандаа хариуцлагатай, хаягдал багатай байхыг эрхэмлэн ажилладаг.
Ноос, ноолуур зэрэг байгалийн гаралтай түүхий эдийг уламжлалт гараар боловсруулах арга барил нь үйлдвэрлэлийн илүүдэл хэрэглээ, хаягдал болон байгаль орчинд үзүүлэх сөрөг нөлөөг бууруулахад хувь нэмэр оруулдаг гэж бид үздэг.
BOG брэндийн хувьд байгаль эхээ өөрсдийн чадах хэмжээнд хамгаалж, илүү хариуцлагатай үйлдвэрлэлийг дэмжих нь хамгийн чухал үнэт зүйлсийн нэг юм.
BOG нь mass үйлдвэрлэл биш — уламжлалт гараар зулах арга, гарын ур ухаан, сэтгэл шингэсэн бүтээл юм.
Бид хүүхдийн өсөлт хөгжилд хамгийн чухал үүрэгтэй хөлд нь зориулан хөл нүцгэн байгаа мэт тав тухтай мэдрэмж төрүүлэх, цэвэр хоньны ноосоор урласан гутал бүтээдэг. Хүүхдийн хөл тав тухтай, дулаан байх нь эрүүл өсөлт хөгжилд чухал нөлөөтэй гэж бид үздэг.
Гар ажиллагаагаар бүтээгддэг тул BOG-ийн гутал бүр дахин давтагдашгүй онцлогтой бөгөөд эдэлгээ сайтай, удаан хэрэглэгдэх үнэ цэнийг агуулдаг. Энэ нь хэрэгцээгүй олон худалдан авалтыг бууруулж, илүү хариуцлагатай хэрэглээг дэмжихэд хувь нэмэр оруулдаг.
Мөн манай ноолууран бүтээгдэхүүнүүд Монгол ямааны дээд зэрэглэлийн, 100% цэвэр боловсруулсан ноолуураар хийгддэг.
Бид 15 гаруй жилийн туршлагадаа тулгуурлан бүтээгдэхүүн бүрдээ сэтгэл, ур ухаан, чанарыг шингээн ажилладаг.
Учир нь бидний бүтээж буй зүйлс зөвхөн бүтээгдэхүүн биш — бидний ирээдүй болсон хүүхдүүдэд зориулсан үнэ цэнэ юм.
